Ka Mo Kaya me Baleta na iVoladraudrau

Na Vale ni Vakatawa 15 Epe.

“Ena veiyabaki ga oqo e laurai na nodra sa sega ni dau kauaitaka e levu na nodra bula vakayalo. O duavata beka kei na tikina oqo? [Waraka me sauma. Wilika sara na Same 119:105.] Na bula vakayalo e rawa ni levei kina e levu na leqa e dau sotavi. Na ivoladraudrau oqo e dusia sara ga na vanua ena kunei kina na iyau vakayalo.”

Yadra! Epe.-June

“E dusia na parofisai vakaivolatabu ni sa roro tiko mai na gauna ena sega tale ni kaya kina e dua, ‘Au sa tauvimate.’ [Wilika na Aisea 33:24.] E sega li ni totoka vakaoti oqori? [Waraka me sauma.] Ia, e sa qai levu ga na mate e veitauvi edaidai, wili kina na mate ca na AIDS. Na itabataba ni Yadra! oqo ena sauma na taro, Ena Mudu Beka na AIDS?”

Na Vale ni Vakatawa 1 Me

“E so na taro e sa bau dredre sara ga meda sauma. E dua na kena ivakaraitaki oqo. [Wilika na Jope 21:7.] Bau dua beka na ka o a via taroga vua na Kalou? [Waraka me sauma.] Na ivoladraudrau oqo e vakamacalataka na sala era kunea kina na lomavakacegu e levu ena veiyasa i vuravura ni saumi vinaka na tolu na taro bibi me baleta na noda bula.”