Ka Mo Kaya me Baleta na iVoladraudrau

Na Vale ni Vakatawa 15 Me

“Sa ka ni veisiga noda rogoca na yaco ni itovo voravora. Cava beka nomuni nanuma, e dau yaco tale beka ga ena gauna makawa? [Waraka me sauma.] Dikeva mada na ka e kaya na iVolatabu. [Wilika na Maciu 24:37.] Na ca ni nodra itovo na tamata ena gauna i Noa e vakarusai ira kina na Kalou qai vakabulai iratou ga o Noa kei na nona vuvale. Na ilavelave ni Vale ni Vakatawa oqo e vakaraitaka na sala e yaga kina vei keda na ivolatukutuku ni ka a yaco ena siga i Noa.”

Yadra! Epe.-June

“Cava beka nomuni nanuma, ena vakaotia beka na saenisi na tauvimate kei na mate? [Waraka me sauma.] Na ilavelave ni Yadra! oqo e sauma vinaka na taro, Ena muduki beka na ravuravu ni AIDS? E vakaraitaka tale ga ni o koya ga na Dauveibuli e tu vua na kaukaua me vakaotia na tauvimate kei na mate.” Wilika na Same 146:3-5, qai solia na ilavelave oqo.

Na Vale ni Vakatawa 1 June

“Na kena sa levu mai na irogorogo ni nodra dau vakayagataka vakaveitalia na isoqosoqo era dauveivuke na ilavo e cautaki, sa ra liaca kina e so se vinaka beka mera soli ilavo vei ira se me kua. Ia, e levu era gadreva dina tu na veivuke. Cava beka e rawa ni caka? [Waraka me sauma, qai wilika na Iperiu 13:16.] Na ilavelave ni Vale ni Vakatawa oqo e vakamacalataka na soli ka e marautaka na Kalou.”