Dua na Sala Mera Vukei Kina

Era dau vunautaka na itukutuku vinaka na lotu Vakarisito dina. (Fpai. 2:​17) Dua gona na sala e caka kina oqori, na kena sa vakacurumi ena Internet (www.watchtower.org) e so na brochure eda dau vakayagataka vakalevu, ivolacebaceba, kei na so na ulutaga ena 20 na vosa. Ia, e sega ni inaki ni Web site oqori me idewadewa ni ivolatabaki vovou vei ira na iVakadinadina i Jiova. Na kena inaki me vakarautaka vei ira na lewenivanua na itukutuku dodonu me baleta na noda ivakavuvuli vakaivolatabu na iVakadinadina i Jiova.

Se qai vakuri wale tiko ga oqo ena noda Web site e dua na iwiliwili ivola levu. Oqo na ivola Na Cava e Loma ni Kalou vei Keda?, ena 220 vakacaca na vosa. E sa tekivu tabaki tale ga na ivakatakilakila ni Web site ena iotioti ni tabaniveva ni Vale ni Vakatawa, 1 Janueri, 2004 kei na Yadra! kece.

O na vakayagataka vakacava na Web site oqori? De dua, drau na sota kei na dua e vaka ni tataleitaki, ia e drau sega ni veikilai vosa. Ke dau vakayagataka o koya na Internet, dusia vua na iotioti ni tabaniveva ni Vale ni Vakatawa se Yadra! e tabaki tiko kina na Web site. Ena sala oqori, sa rawa ni wilika kina o koya e tataleitaki oqo na ivola na Loma ni Kalou ena nona vosa sara ga, me yacova nomu kauta yani vua e so tale na ivola ena nona vosa. Se, o rawa ni veitaratara kei na iwasewase lailai se ivavakoso e dau vakayagataki kina na nona vosa.