Ke Vinakati Vakatotolo na iVola ena so Tale na Vosa

Ena so na gauna eda sotavi ira era taleitaka mera wilika na noda ivola ena dua tale na vosa e sega ni tiko ena ivavakoso. Ke tiko e dua na vanua o rawa ni vakayagataka kina na Internet kei na misini ni tabaivola(printer), o rawa ni tabaka kina na noda ivola ena rauta ni 400 na vosa. Qo na ka mo cakava:

• Raica na Web site vakadonui ni isoqosoqo, www.watchtower.org.

• Ni o dolava na site qori o na raica ena yasana i matau e cake e dua na kato e tuvani tu kina e vica na mataqali vosa. O na raica tale ga ena kato qori na itaba ni vuravura, ni o vagolea kina na nomu idusidusi ni kompiuta qai dolava o na raica sara na veimataqali vosa kece e tabaki kina na noda ivola.

• Digitaka na vosa o vinakata. Ni o dolava o na raica sara eso na ivola o na rawa ni tabaka, me vaka na tikidua, brochure kei na so tale na ulutaga. De dua o na sega ni kila na ulutaga ni ivola, ia kua ni leqataka.

• Digia e dua na ulutaga qori. Ni o dolava o na raica kina na lewe ni ivola o rawa ni tabaka.

Eso ga na ivola e tiko ena site qo. Ke o vinakata eso tale, mo qai otataka ena ivavakoso. Ni o sa vakadeitaka ni dua e tataleitaki, ena vinaka mo kerea vua e qarava na ivola ena ivavakoso me otataki.