Railesuvi Ni Siga Ni Soqo Lavotaki

Na lewe ni ivakamacala oqo ena vakayagataki me raici vakalekaleka kina qai railesuvi na porokaramu ni siga ni soqo lavotaki ena yabaki vakacakacaka ni 2005. Na ulutaga “iVakarau Vou ni Kena Railesuvi na Porokaramu ni Soqo e Baleta na Tabacakacaka,” e vakamacalataka na kena icakacaka, e koto ena tabana 4 ni itoma oqo. Me wasewasei vinaka na gauna me rawa ni tarogi kece na taro. Na railesuvi me vakatabakidua ina sala eda rawa ni bulataka kina na ka e tukuni mai.

MATAKA

1. Na cava e sa qai gadrevi ga kina vakalevu meda vakarorogo vei Jiova? Na cava na ibalebale ni vakarorogo? (“Vuna Meda Rogoca Kina na Domo i Jiova”)

2. E rawa vakacava vei ira na vuvale me dua na nodra ituvatuva dei ni veika vakayalo? (“Vuvale Era Dei tu ga ena Nodra Rogoca na Vosa ni Kalou”)

3. Na cava era sa cakava e so mera vunau tawalokuci kina ena noda tabacakacaka? (“Cakava na Ka Kece ga me Vakacaucautaki Kina na Kalou”)

4. Na cava eda rawa ni vulica mai na ivakaraitaki ena Iperiu wase 3 kei na 4? E vosa tiko vakacava vei keda nikua o Jiova? (“E iTataqomaki Vei Keda na Noda Rogoca na Vosa ni Kalou”)

5. E yaga vakacava vei keda na vunau ni papitaiso? (“Yalayala kei na Papitaiso”)

YAKAVI

6. Na cava eda vulica vei Jisu ni se itabagone? Sala cava era sa vakatotomuri koya tiko kina o ira na itabagone ena noda tabacakacaka? (“Era Vakadeitaki na Noda iTabagone ena Nodra Rogoca na Vosa ni Kalou”)

7. Na cava e so na sala e rawa nira vakavulica kina na itubutubu vei ira na lalai kei ira na gonedramidrami na vunau i Jiova? (“O Ira na Lalai Era Vakarorogo Vua na Kalou, Era Vuli Tale ga Vua”)

8. Na cava e so na tikina bibi ena gadrevi kina meda vakatudaliga vei Jiova, vei Luvena, kei “na dauveiqaravi yalo dina ka vuku”? (Maciu 24:​45, VV) Na cava e bibi kina? (“Vakatudaliga Matua ena Veivakavulici ni Kalou”)