Ka Mo Kaya me Baleta na iVoladraudrau

NA VALE NI VAKATAWA 15 Sep.

“Era dau cavuta ena nodra masu e vica vata na milioni na tamata na vosa kilai levu oqo. [Wilika sara na Maciu 6:10.] Ena vakacava beka na noda bula ke sa vakayacori na loma ni Kalou e vuravura? [Waraka me sauma.] E vakamacalataki ena ilavelave ni Vale ni Vakatawa oqo na ibalebale ni tikina yadudua ni Masu ni Turaga, vaka kina na tikina au se qai wilika ga.”

Yadra! Jul.-Sep.

“Era leqataka e levu, na kena sa qai tubu tiko ga e dua na mataqali ivakarau ni gunu vei ira na itabagone, oqo na gunuvi veitaravi ni vica na bilo (binge drinking). O sa bau rogoca na mataqali gunu vaka oqo? [Waraka me sauma, wilika sara na Vosa Vakaibalebale 20:⁠1.] Na mataqali gunu vaka oqo e rawa ni vakaleqai ira na itabagone. E koto ena ilavelave ni Yadra! oqo na rai ni iVolatabu me baleta na gunu, kei na ka meda vukei ira kina na itabagone mera vorata na gunu vakalialia.”

NA VALE NI VAKATAWA 1 Okt.

“Eda vinakata kece me vakaoti na basulawa, itovo kaukaua, kei na ivalu. Cava nomuni nanuma, ena yaco dina na ka e tukuni ena tikinivolatabu oqo? [Wilika na Same 37:​11, qai waraka me sauma.] E vakamacalataki ena ilavelave ni Vale ni Vakatawa oqo se rau veisemati vakacava na vosa ni yalayala oqo kei na inaki taumada ni Kalou vei keda na tamata, kei na ka meda cakava meda na marautaka na bula oqori.”