Veivuke ena Kena Tomani Nodra Vukei

¹ Nida vunautaka na itukutuku vinaka, eda dau sotavi ira vakalevu na tiko ena saula ni noda yalava, se o ira na vosataka e duatani na vosa, okati kina na vosa vagalu. E so tale ga eda dau veitalanoataka vakalevu na iVolatabu, era sa toki ina dua tale na yalava. Eda na tomana vakacava nodra vukei? Nida vakayagataka na fomu Please Follow Up (S-43).

² Era dau vakarorogo vinaka e levu ni tukuni vei ira na itukutuku vinaka ena nodra vosa ga. (Caka. 22:​1, 2) Oya na vuna meda dau vakalewena kina na fomu nida sotavi ira na vosataka e dua tale na vosa, kevaka mada ga e sega ni taleitaka na itukutuku ni Matanitu ni Kalou na itaukeinivale. Ia kevaka e dua toka na iwase levu ni tamata era vosataka na vosa tani era sa rogoca wasoma tiko na noda itukutuku ena nodra vosa, de sega ni gadrevi meda vakalewena na fomu, vakavo ga ke ra tataleitaki.

³ Vakaleweni ni Fomu: Saga mo taura na yacana, nona itikotiko, kei na naba ni nona talevoni. Vola se vakacava na levu ni nona taleitaka, na gauna e rawa ni tarai kina, na ivola o solia, se na ivola e vinakata, kei na vosa e kila vinaka. Ni sa vakaleweni oti na fomu, solia sara vakatotolo vua na vunivola ni ivavakoso, ena qai vakauta o koya ina ivavakoso se iwasewase lailai e ganita.

⁴ Vakauti ni Fomu: Ke sega ni kila o vunivola na ivavakoso se iwasewase lailai me vakauti kina na fomu, se sega vua na katonimeli, me qai taroga ina valenivolavola ni tabana.

⁵ Ke sa taura e dua na ivavakoso se iwasewase lailai na fomu Please Follow Up sa vakaleweni oti, me sikovi totolo sara o koya e tataleitaki. Nida gumatua na cakava na noda itavi, eda nuidei ni na dolava o Jiova na lomadra o ira “era sa vakarau tu me vinakata na bula tawa mudu.”​​—⁠Caka. 13:48.