Na iYaloyalo ena Yaga Dina Vei Keda

Na itukutuku bibi cava e tiko ena iyaloyalo David​​—⁠He Trusted in God? E dodonu meda nuitaki Jiova me vakataki Tevita. (Same 91:⁠2) Nodra sarava sara ga na veika lelevu e yaco ena bula i Tevita ena uqeti ira na gone kei na qase mera vuli ena nona ivakaraitaki. (Same 31:14) E tiko tale ga ena DVD e so na tikina e vakarautaki me yaga vei keda. O na raica oqo ena “Video Quiz” kei na “Learning Activities.”

Sarava na vidio qai tarogi iko: (1) Na cava e bulia kina e dua na tui vinaka o Jiova? (1 Sam. 15:​10, 11; 16:⁠1) (2) Na cava e sega ni digia kina e dua ga vei ira na taci Tevita? (1 Sam. 16:​6, 7) (3) Na cava e vinakati Tevita kina o Saula me dau qiri api vua? (1 Sam. 16:​14-​23) (4) O cei o Koliaci? (1 Sam. 17:​4-​10) (5) Na cava a via vala kina kei Koliaci o Tevita? (1 Sam. 17:​23, 24, 36, 37) (6) O cei o Jonacani? (1 Sam. 14:⁠1) (7) Gauna cava sa qai meca naba dua kina i Saula o Tevita? (1 Sam. 18:​25-​29) (8) Na cava a sega ni vakamatei Saula kina o Tevita? (1 Sam. 26:​7-​11) (9) E qai mate vakacava o Saula? (1 Sam. 31:​1-6) (10) E tarai Tevita vakacava na mate i Jonacani? (2 Sam. 1:​11, 12) (11) Na cava a yalataka o Jiova vei Tevita? (2 Sam. 7:​12, 13, 16) (12) Na cala bibi cava a cakava o Tevita? (2 Sam. 11:​1-5, 14-​17) (13) A vakaraitaka vakacava o Tevita ni veivutunitaka na ka a cakava? (Same 51) (14) Na cava a vakavulica o Tevita vei Solomoni ni se gone? (1 Tui 2:​1-4; 1 Vei. 22:​6-​13; 28:​9, 10) (15) Ena qai yaga vakacava vei Tevita, Jonacani, vaka kina vei keda, na veiliutaki i Jisu?​​—⁠Aisea 11:​6-9; Joni 11:​25, 26.

Vakasamataka mada: Rawa vakacava ni o vakatotomuri Tevita ena nomu vakararavi vua na Kalou?

Ra itubutubu, ni vakadeitaka vei ira na luvemuni ni na yaga dina nodra vakararavi vua na Kalou me vaka a cakava o Tevita.​​—⁠Same 56:11.