Railesuvi ni Soqo ni Tabacakacaka

Na lewe ni ivakamacala oqo ena veivosakitaki ena Soqoni ni Cakacaka ni bera vaka kina ni sa oti na soqo ni tabacakacaka ena yabaki vakacakacaka ni 2006. Me tuvanaka na ivakatawa daulewa na kena raici vakalekaleka qai railesuvi na porokaramu, me vaka e vakamacalataki ena Noda Cakacaka Vakaitalatala, Okosita 2004, tabana 4. Me tarogi kece na taro ena gauna ni railesuvi, me vakatabakidua ena sala eda rawa ni bulataka kina na ka e cauraki mai.

IMATAI NI SIGA

1. Eda na sulumaka vakacava na itovo vou, kei na cava meda sulumaka tiko ga kina?

2. Na sala cava era vakaitavi vakalevu kina e so ena cakacaka vakavunau?

3. Na cava meda kua kina ni vakatauvatani keda kei na so tale?

4. Ena rawa vakacava nira bulataka na lewenivuvale na itovo vou ena nodra vuvale?

5. Eda na tokona vakacava na ivavakoso?

6. Na cava e gadrevi kina meda vakaraitaka na itovo vou ena cakacaka vakavunau?

7. Na cava e okati ena noda dau vakananuma na veika vakayalo, ena yaga vakacava vei keda?

8. Na itovo cava ena rawarawa kina ni moici keda na liga i Jiova?

IKARUA NI SIGA

9. E bibi vakacava na noda vakayagataka vakavuku na yameda?

10. Ena yaga vakacava na noda dau tauca na vosa matau vei ira noda itokani e vanua ni cakacaka, e koronivuli, vei ira tale e so?

11. Eda na muria vakacava na ivakasala i Paula ena Efeso 4:​25-​32 ena noda veimaliwai kei ira na tacida vakayalo?

12. E vakayagataki vakavinaka duadua na yameda ena cava?

13. Na cava meda cakava meda vakamalumalumutaki koya kina na vunica?

14. Ena veibasoga ni bula cava meda saga me kua kina ni tauvi keda na duka kei vuravura?

15. Na cava meda vakavouya tiko kina e veisiga na tamata e loma? Eda na cakava vakacava?

16. Na ivakasala cava ena soqo ni tabacakacaka ni yabaki oqo o nakita mo na muria?