(1) Taro, (2) Tikinivolatabu, kei na (3) Wase ni iVola

Na sala rawarawa me soli kina na ivola Na Cava Sara Mada e Kaya na iVolatabu? (1) taroga nona nanuma, (2) wilika na tikinivolatabu e veiganiti, qai (3) vakaraitaka na wase ni ivola e tokona na ka o tukuna, wilika na taro e koto ena ruku ni ulutaga ni wase oqori. Ke tataleitaki o itaukeinivale, sa rawa sara ga ni o vakaraitaka vua na icakacaka ni vuli iVolatabu ena nomu vakayagataka e vica na parakaravu ena wase oqori. Na iwalewale oqo e rawa ni vakayagataki ena imatai sara ga ni gauna o vosa kina vei itaukeinivale se ena veisikovi lesu.

◼ “Na cava beka nomu nanuma, e rawa nida kilai koya na Dauveibuli kaukaua me vaka e kaya na iVolatabu?” Wilika na Cakacaka 17:​26, 27, qai waraka me sauma. Vakaraitaka sara na wase 1.

◼ “Na levu ni leqa eda sotava tu nikua, cava nomu nanuma, ena rawati beka na vakacegu kei na inuinui e vakamacalataki tu e ke?” Wilika sara na Roma 15:​4, qai waraka me sauma. Vakaraitaka sara na wase 2.

◼ “Ke tu vei iko na kaukaua mo vakayacora vaka kina, o na vakayacora beka na veisau oqo?” Wilika na Vakatakila 21:​4, waraka me sauma. Vakaraitaka sara na wase 3.

◼ “Na cava nomu nanuma, ena yaco beka na gauna era na qai marautaka kina na luveda na ituvaki e vakamacalataki ena sere makawa oqo?” Wilika na Same 37:​10, 11, waraka me sauma. Vakaraitaka sara na wase 3.

◼ “Na cava nomu nanuma, ena dua beka na siga ena vakayacori kina na ka e tukuni oqo?” Wilika na Aisea 33:​24, waraka me sauma. Vakaraitaka sara na wase 3.

◼ “O dau lomatarotarotaka tu beka se ra vakila tu na mate na ka era cakava tu o ira na bula?” Waraka me sauma. Wilika na Dauvunau 9:​5, vakaraitaka sara na wase 6.

◼ “Na cava nomu nanuma, ena dua beka na siga eda na raici ira tale na wekada lomani era sa mate, me vaka a kaya o Jisu ena tikinivolatabu oqo?” Wilika na Joni 5:​28, 29, waraka me sauma. Vakaraitaka sara na wase 7.

◼ “Na cava nomu nanuma, na veisau cava eda na raica kevaka sa vakayacori e vuravura na loma ni Kalou me vaka sa caka tiko mai lomalagi, me vaka a cavuti ena Masu ni Turaga?” Wilika na Maciu 6:​9, 10, waraka me sauma. Vakaraitaka sara na wase 8.

◼ “Na cava beka nomu nanuma, eda sa bula donuya tu na gauna e vakamacalataki ena parofisai oqo?” Wilika na 2 Timoci 3:​1-4, waraka me sauma. Vakaraitaka sara na wase 9.

◼ “E levu era lomatarotarotaka na vuna e sa qai ca tiko ga kina na leqa eda sotava tiko na kawatamata. O dau vakasamataka tu beka na ka e tukuni ena tikinivolatabu oqo?” Wilika na Vakatakila 12:​9, waraka me sauma. Vakaraitaka sara na wase 10.

◼ “O dau via kila tu beka na isau ni taro oqo?” Wilika na Jope 21:​7, waraka me sauma. Vakaraitaka sara na wase 11.

◼ “Na cava beka nomu nanuma, ena marau noda vuvale ke da muria na ivakasala oqo ena iVolatabu?” Wilika na Efeso 5:​33, waraka me sauma. Vakaraitaka sara na wase 14.

Ena ripotetaki na vuli kevaka sa caka vakarua, ni oti na kena vakaraitaki vua na gonevuli na ivakarau ni vuli, kevaka tale ga o kila ni sa dei na vuli oqori.