Me Nomu iSausau me Dua na Vuli iVolatabu

¹ “Dou ta cake, ka raica na veiwere, sa voleka ni matua na yabaki.” (Joni 4:​35) Na vosa qori i Jisu e veiganiti vinaka kei na ituvaki era sotava tiko nikua na italatala lotu Vakarisito.

² Era se kune tiko ga na tamata yalomalumalumu ra vinakata mera kilai Jiova. E laurai qo ena iwiliwili ni dautukutuku era papitaiso e veiyabaki. Ke o vinakata dina me dua nomu vuli iVolatabu, cava mo cakava?

³ Tekia Nomu iSausau: iMatai, me nomu isausau mo tekivutaka e dua na vuli iVolatabu. Nanuma tiko na isausau qo ena gauna ni cakacaka vakavunau. Nida lotu Vakarisito e noda itavi meda veivakavulici, vunau, qai levu na gauna meda caka vuli iVolatabu kina.​​—⁠Maciu 24:14; 28:​19, 20.

⁴ Ka me Nanumi: E dodonu meda masu mai vu ni lomada. So na gauna eda sotavi ira na dau masulaka tu mera kila na Kalou kei na iVolatabu. Eda kalougata ni vakayagataki keda o Jiova meda vakavulici ira!​​—⁠Akeai. 2:7; Caka. 10:​1, 2.

⁵ E dua na tacida yalewa a masulaka me dua nona vuli iVolatabu, ni masu oti a biuta sara ena dela ni nona desi na ivolacebaceba Oni Via Kila Vinaka na iVolatabu? A tomika sara na ivolacebaceba qo e dua na marama, wilika tasevu, vakalewena sara na tabana e muri, mani vakamacala vua na tacida qo, tekivutaki sara na vuli iVolatabu.

⁶ O ira na dautukutuku era matai ena iwalewale ni kena tekivutaki na vuli iVolatabu, era na rawa ni vukei iko me dua nomu vuli iVolatabu. Kerea vei Jiova ena masu qai vakayagataka vinaka na isolisoli e tu mo sauva kina nomu isausau. Ni o vakayacora qo o na marautaka dina na veivakavulici ena iVolatabu.