Wase 1—Na Ka Me Caka Mera Toso Kina Noda Vuli iVolatabu
Na Cava na Vuli iVolatabu?
1 Rauta ni ononamilioni era vuli iVolatabu tiko kei ira na tamata ni Kalou ena veivula e vuravura raraba. Nida vakayagataka na iwalewale vinaka ni veivakavulici ena rawa nida vukei ira na vuli iVolatabu oqo mera yaco sara mera yalataki ira ra qai papitaiso, me ‘rawa tale ga nira vakavulici ira na tani.’ (2 Tim. 2:2) O via vukea tale ga nomu gonevuli me toso? Tekivu ena Noda Cakacaka Vakaitalatala oqo sa na tabaki tiko yani e so na ka meda cakava mera toso kina na noda vuli iVolatabu.
2 Gauna me Ripotetaki Kina na Vuli iVolatabu: Kevaka drau dau veitalanoataka vakawasoma kei na dua na ivakavuvuli vakaivolatabu, dina ga ni lekaleka, ia o vakayagataka tiko na iVolatabu kei na ivola ni vuli e dau vakaturi meda vakayagataka, o sa caka vuli iVolatabu sara tiko ga. E dina tale ga oqo kevaka mada ga o caka vuli tiko ena mata ni katuba se talevoni. Ena ripotetaki na vuli kevaka sa caka vakarua, ni oti na kena vakaraitaki vua na gonevuli na ivakarau ni vuli, kevaka tale ga o kila ni sa dei na vuli oqori.
3 E dau vakayagataki ena vuli iVolatabu na brochure na Loma ni Kalou kei na ivola na Kila. Kevaka sa vulici oti na ivola e rua oqori, e laurai ni se toso tiko ga o gonevuli, dina ga ni berabera, ia e sa vakaraitaka tiko na nona taleitaka na ka e vulica, tomana na vuli ena ivola Qarava na Kalou. E rawa ni vakayagataki na brochure E Rawa Mo iTokani ni Kalou! mera vuli kina o ira na sega ni vuli vinaka sara se o ira na sega ni kila vinaka na wilivola.
4 E levu era sa mai yaco mera tisaipeli dina i Jisu Karisito nira vulica na iVolatabu. (Maciu 28:19, 20, VV) Era na toso na noda vuli iVolatabu kevaka eda muria na veika e vakaturi ena ulutaga era na qai tabaki tiko yani.