Eda na Vukei Ira Vakacava na Lako Mai ena iVakananumi?
1. Na ivakadinadina levu cava ena vakarogoi ena 22 Maji, 2008?
1 Ena 22 Maji, 2008, era na rogoca na lewe milioni vakacaca e veiyasa i vuravura e dua na ivakadinadina levu. O ira na lako mai ena iVakananumi era na rogoca na nona loloma levu o Jiova ena nona vakarautaka na keda ivoli na kawatamata. (Joni 3:16) Era na vulica na veika e vauca na Matanitu ni Kalou kei na nona vakayagataka o Jiova me vakayacori kina nona inaki ena vuravura qo. (Maciu 6:9, 10) Era na vakila sara ga na veilomani, duavata, kei na noda veikauaitaki na dauveiqaravi ni Kalou.—Same 133:1.
2. Eda na uqeti ira vakacava na gonevuli era tiko ena iVakananumi?
2 Gonevuli: E so vei ira na lako mai ena iVakananumi era se qai tekivu vuli iVolatabu ga. Vakaveikilaitaki ira vei ira na mataveitacini. Vakamacalataka vei ira na soqoni e veimacawa, qai vakasarasarataki ira ena Kingdom Hall. Ena gauna e vakacagau tiko kina na ivunau sa na uqeti ira mera toso tiko ga vakayalo o koya e vunau tiko. Rawa ni o uqeti gonevuli ni o yavutaka na nomu vosa mai na ivunau.
3. Cava e rawa ni caka mera uqeti kina na mate vakayalo era tiko ena iVakananumi?
3 Ira na Mate Vakayalo: E so vei ira na lako mai ena iVakananumi era mate vakayalo. Mo vakaliuliu na kidavaki ira. Kua ni sivia tale nomu vakatarogi ira se mo tukuna e dua na ka era na madua kina. Ni oti e vica na macawa ni iVakananumi, e dodonu vei ira na qase ni ivavakoso mera sikovi ira na mate vakayalo era lako mai na iVakananumi, vakacaucautaka na nodra sasaga mera lako mai, qai sureti ira mera lako mai na soqoni vakaivavakoso e tarava.
4. Eda na vukei ira vakacava na vulagi?
4 Ira na Vulagi: Rairai eda sureti ira mai na noda veikilai se noda lewenivuvale. So tale eda a solia vei ira na ivola ni veisureti ena gauna lavotaki da veisoliyaka tiko kina. Ke o raica e dua o sega ni kila, vakaliuliu sara nomu tukuna vua na yacamu kei na nomu kidavaki koya. De dua era a se sega sara ga ni bau tiko ena noda soqoni. De o na qai kila na nona itikotiko ena gauna drau veitalanoa kina. Nomu sikovi koya se nomu qirita ni oti ga e vica na siga ni iVakananumi, saga sara mo uqeti koya me vakarabailevutaka nona kilaka, qai sureta me vuli iVolatabu.
5. Cava meda kaya me tekivu kina na vuli iVolatabu?
5 Rawa ni yavu vinaka ni noda solia na ivola Kaya na iVolatabu ena veisikovi lesu na ivunau ni iVakananumi. Kena ivakaraitaki ena wilika o koya e vunau ena iVakananumi na Aisea 65:21-23. Rawa ni o tukuna na ivunau ni o veisikovi lesu qai kaya, “Meu vakaraitaka mada na veivakalougatataki e kauta mai na isoro ni veivoli.” Cega sara na tabana e 4-5 ni ivola Kaya na iVolatabu. Se o na rawa tale ga ni kaya, “Vuqa era na vakataroga se gauna cava ena vakayacori kina na parofisai nei Aisea.” Raica sara na parakaravu 1-3 ni wase 9. Dua tale na sala mo tukuna ga na nona ivakamacala o koya e vunau ena iVakananumi, solia na ivola Kaya na iVolatabu, vakaraitaka sara na icakacaka ni vuli.
6. Na itavi cava sa tu qo e matada nida talairawarawa ena ivakaro i Jisu meda vakananuma na nona mate?
6 Meda tu vakarau meda vukei ira na vuli iVolatabu, dautukutuku mate, kei ira na vulagi era tiko ena iVakananumi. (Luke 22:19) Ena vakalougatataka dina o Jiova noda vakalevutaka noda veiqaravi tabu vua.