iYaya ni Cakacaka e Veivakavulici, Veiuqeti, Qai Veivakaukauataki

¹ Era laulau dina nira vakayagataki ena nodra vakavulici na tamata ena iVolatabu kei na ka e baleti keda na iVakadinadina i Jiova. Le levu era vakataudeitaki kina mera tutaka na ka dina. Era vaqaqacotaka na nodra vakabauta kei na nodra dau vakavinavinaka na tamata yalayala ni Kalou. O cei o ira oqo? O ira na vidio ni isoqosoqo i Jiova. O sa sarava kece na tini na vidio oqo? E naica na iotioti ni gauna o sarava kina? O dau vakayagataka beka ena nomu cakacaka vakaitalatala? Ena yaga vakalevu vakacava vei iko na iyaya ni cakacaka totoka oqo?

² E dua na ulutaga e vulici ena Vale ni Vakatawa, 1 Julai, 1999, “Dou Vulica Wasoma Vakavuvale na Vosa ni Kalou” e vakaturi tiko kina mo dou “lokuca na gauna ni nomudou vuli me saravi kina e dua na iwase ni vidio ni iSoqosoqo . . . qai veivosakitaki vakavuvale ni sa saravi oti.” Salavata kei na ivakasala vinaka oya, ena vakamacalataki tiko e yadua na vidio ena Soqoni ni Cakacaka qai caka tiko me vakalutu vula. Oni sureti kece ena ivavakoso mo ni sarava na vidio mai vale ni bera ni mai veivosakitaki ena Soqoni ni Cakacaka.

³ Eda na tekivu tiko ena vula oqo ena imatai ni vidio ni iSoqosoqo, Jehovah’s Witnesses​—The Organization Behind the Name. Ni sarava qai vakarogoca kina na isau ni taro kece oqo:

◼ Era kilai tani ena cava na iVakadinadina i Jiova?

◼ Na ka kece e caka e Peceli era semati ina tikinivolatabu cava?

◼ Na italanoa cava ena iVolatabu o raica ni dramataki, tabaki qai droinitaki me taurivaki ena ivola ni iSoqosoqo?

◼ Na cava o drukataka ena sala e vakarautaki kina na noda ivola?

◼ Mai na 1920 ina 1990, e vica kece na ivola sa tabaka rawa na iSoqosoqo?

◼ Vei keda na tamata ni Kalou, o cei e vinakati vakalevu me tadolova na isausau ni veiqaravi e Peceli?​—Vkai. 20:29.

◼ Ena sala cava soti era ivakaraitaki vinaka kina na lewe ni vuvale e Peceli vei ira kece na iVakadinadina i Jiova?

◼ Na cava o drukataka ena cakacaka e vakayacori tiko e Peceli me rawa nira tarai kina na tamata ena kena levu e rawati ena itukutuku vinaka?

◼ E vakailavotaki vakacava na cakacaka ena vuravura raraba?

◼ Na cakacaka cava meda gu ni tokona, ia me vakayacori ena yalo vakacava?​—Joni 4:35; Caka. 1:8.

◼ Cava nomu rai me baleta na isoqosoqo e vakatokayacaki ena yacada?

◼ O na vakayagataka vakacava na vidio oqo ena cakacaka vakaitalatala?

Eda na veivosakitaka tiko ena Tiseba na vidio The Bible​—Accurate History, Reliable Prophecy.