“Solia na Mekesini Makawa se Brochure e Taleitaka o Taukeinivale”

Ena veivula eda solia kina na ivola Kaya na iVolatabu da qai saga me tekivu na vuli iVolatabu ena imatai ni veisiko, eda uqeti “meda solia na mekesini makawa se brochure ena taleitaka o taukeinivale” ke sa tiko vua na ivola Kaya na iVolatabu qai sega ni via vuli iVolatabu. Na cava na vuna?

E levu na ulutaga veiganiti e dau vakamacalataki ena brochure kei na mekesini makawa. Ena rairai uqeti taukeinivale e dua vei ira na ulutaga qori. E vinaka gona meda tawana toka ena noda kato ni cakacaka vakavunau e vica na brochure kei na mekesini makawa. Ke sega na nomu mekesini makawa o rawa ni taura eso ena ivavakoso. Ni o sotava gona e dua sa tiko vua na ivola Kaya na iVolatabu qai sega ni via vuli iVolatabu, o rawa ni vakaraitaka vua eso na mekesini se na brochure qai tukuna me digia na kena e taleitaka. Oti tuvanaka sara na gauna mo lesuvi koya kina ni se tataleitaki tiko. De dua sa na tauyavu ena gauna qori na vuli iVolatabu.