Me Tauyavu Kina na Vuli iVolatabu ena iMatai ni Vakarauwai ena Seviteba

“Era masu e veisiga na duikaikai, e duidui tale ga na ka era vakabauta. O nanuma ni rogoca qai sauma na masu kece na Kalou?” Waraka me sauma. Solia vei taukeinivale e dua Na Vale ni Vakatawa ni 1 Seviteba qai veivosakitaka na imatai ni taro ena tabana e 16, wilika tale ga e dua na tikinivolatabu e sega ni lavetaki. Solia na mekesini qai tuvanaka na siga mo drau veivosakitaka kina na taro tarava.

Na Vale ni Vakatawa 1 Seviteba

Vakaraitaka na imatai ni tabana ni mekesini qai tukuna: “O na sauma vakacava na taro qo? [Waraka me sauma.] Raica mada na ka e tukuna na iVolatabu. [Wilika 1 Joni 5:19.] E tukuni ena tikinivolatabu qori ni lewa tu na vuravura na “vunica” se na Tevoro. Ia qori e vakavurea eso na taro. E basika vakacava na Tevoro? E bula dina tiko? Ena vakacava na dede ni nona vakatara na Kalou me lewa tu na vuravura? E vakamacalataki ena mekesini qo na ka e kaya na iVolatabu.”

Yadra! Julai-Seviteba

“O nanuma ni so na gauna era na vakalewai keda na tamata ena ka eda tukuna? [Waraka me sauma.] E tukuna na iVolatabu ni dau dredre meda lewa vinaka noda vosa. [Wilika Jemesa 3:2.] Eda rawa ni vukei kece meda vakavinakataka na noda ivosavosa.” Vakamacalataka na ulutaga ena tabana e 22.