Vakatutu

Me Tauyavu Kina na Vuli iVolatabu ena iMatai ni Vakarauwai ena Seviteba

“E levu era vakabauta ni dua na siga ena lewai ira na Kalou ena vuku ni nodra ivalavala. O nanuma ni Siga ni Lewa e dua na gauna meda nanamaki kina se meda rerevaka? [Waraka me sauma.] Raica mada na ka e tukuni ena mekesini qo.” Vakaraitaka vei taukeinivale e dua na ilavelave ni Vale ni Vakatawa ni 1 Seviteba, drau qai veivosakitaka na imatai ni taro ena tabana e 16 kei na dua mada ga na tikinivolatabu. Solia na mekesini qai tuvanaka na siga mo drau veivosakitaka kina na taro tarava.

Na Vale ni Vakatawa 1 Seviteba

“Ena levu na vanua e veiyasa i vuravura era dau vakaduiduitaki qai vakalolomataki na yalewa. Ka ni rarawa ni dua vei ira na ka e vakavuna qori na vakabauta ni lotu. Oni nanuma ni kauaitaki ira dina na yalewa na Kalou? [Waraka me sauma.] Raica mada na ka e tukuna na iVolatabu me baleta na nodra itovo na tagane vakawati vei ira na watidra. [Wilika Efeso 5:28, 29.] Ena vakamacalataka na mekesini qo na ka e kaya na iVolatabu ena rai ni Kalou me baleti ira na yalewa.”

Yadra! Julai-Seviteba

“E voleka ni o ira kece keimami veitalanoa era sa sotava na veika tawadodonu ena dua na gauna. Oni nanuma ni rawa ni muduki na veika tawadodonu? [Waraka me sauma.] Raica mada na parofisai me baleta e dua na iliuliu ena muduka na veika tawadodonu. [Wilika Same 72:11-14.] Ena vakamacalataki ena mekesini qo na veika e yalataki ena iVolatabu me baleta na veisiga se bera mai.”