Vakatutu

Me Tauyavu Kina na Vuli iVolatabu ena iMatai ni Vakarauwai ena Tiseba

“Oni na vakadinata nida dau via vakaitokani kece. Na itovo cava o na taleitaka vakalevu duadua vua na nomu itokani? [Waraka me sauma.] Raica mada na vuna meda digia vinaka kina na noda itokani.” Vakaraitaka vei taukeinivale Na Vale ni Vakatawa 1 Tiseba qai veivosakitaka na imatai ni taro ena tabana e 16, wilika tale ga e dua na tikinivolatabu e sega ni lavetaki. Solia na mekesini qai tuvanaka na siga mo drau veivosakitaka kina na taro tarava.

Na Vale ni Vakatawa 1 Tiseba

“O bau lomatarotarotaka na vuna e yaco kina e levu na leqa tubukoso ena gauna qo? [Waraka me sauma.] Sa parofisaitaka tu na iVolatabu na gauna ena yaco vakalevu kina na leqa. [Wilika Maciu 24:7, 8.] E vakamacalataki ena mekesini qo na isau ni taro: Na cava e rui levu kina nikua na leqa tubukoso? E itotogi ni Kalou? Na cava meda nuidei kina ni sa vakarau vakaotia na Kalou na leqa tubukoso?”

Yadra! Janueri-Maji

“Keimami veivosakitaka tiko mai nikua e dua na ulutaga ena yaga ena vuvale. Na cava oni nanuma ni vakadredretaka na nodra veisusu na itubutubu nikua? [Waraka me sauma.] Levu na itubutubu era qara ivakasala ena iVolatabu. Kena ivakaraitaki, ena yaga ena nodra vakadodonutaki na gone na ivakasala vuku qo. [Wilika Efeso 4:31.] Ena vakamacalataki ena mekesini qo na ivakasala vakaivolatabu ena vukei ira na itubutubu ena nodra susugi luvedra nira se lalai me yacova nira sa uabula.”