Vakatutu

Me Tauyavu Kina na Vuli iVolatabu ena iMatai ni Vakarauwai ena Tiseba

“E levu era dau vakasamataki Jisu ena gauna va qo. Na cava oni nanuma ni ka vakasakiti duadua a cakava o Jisu? [Waraka me sauma.] Raica mada e dua na ulutaga qo ena tabana e 16.” Vakaraitaka vei taukeinivale Na Vale ni Vakatawa 1  Tiseba, veivosakitaka na imatai ni taro qai wilika e dua na tikinivolatabu. Solia na mekesini, qai lokuca na siga mo lesu kina mo drau lai veivosakitaka na taro tarava.

Na Vale ni Vakatawa 1 Tiseba

“Ena gauna va qo, e levu e dau curumi ira na yalo ni Kirisimasi. [Vakaraitaka na lisi ena tabana e 3.] O cei vei ratou na tikina qo e kilai levu duadua me baleta na yalo ni Kirisimasi? [Waraka me sauma na taro, cega na ulutaga e lakovata kei na ka e tukuna o taukeinivale qai wilika na tikinivolatabu e yavutaki kina na ulutaga qori.] E vakamacalataki ena ulutaga qo eso na sala vinaka eda rawa ni nanumi Jisu kina e veisiga, sega ni gauna ga ni Kirisimasi.”

Yadra! Okotova-Tiseba

“E levu era dau lako ina dua na valenilotu mera lai masu vua na Kalou. O nanuma ni bibi mo lako ina dua na vale mo masu vua na Kalou se o nanuma ni o rawa ni vosa vua e veigauna? [Waraka me sauma.] Raica mada na ka e tukuna na iVolatabu me baleta na turaga yalodina o Noa. [Wilika Vakatekivu 6:9.] A veiwekani voleka kei na Kalou o Noa qai sega ni gadrevi e dua na valenilotu levu me rawa kina qori. Na mekesini qo ena vakaraitaka na rai donu me tiko vei keda me baleta na vakayagataki ni valenilotu ena sokalou.” Vakamacalataka na ulutaga ena tabana e 29.