iVakadinadina i Jiova—Laurai Votu na Nodra Vakabauta, Wase 1: Sereki Mai na Butobuto
Ena iVolatabu na rarama e vakaibalebaletaka na ka dina, na butobuto e vakaibalebaletaka na ka lasu. (Same 43:3; Aisea 5:20) A vakavuna o Setani na butobuto e vuravura ena gauna e temaki Ivi kina, a mani lomoci na kawatamata ina butobuto loaloa. (Vkta. 12:9) Na vidio Jehovah’s Witnesses—Faith in Action, Part 1: Out of Darkness e vakamacalataka na sala e tekivu basika kina na rarama vakayalo mai na butobuto. (Aisea 60:1, 2) Ni o sarava oti na vidio qo, vakacava o rawa ni sauma na taro era tarogi toka e ra?
(1) Nira takali na yapositolo, a tete vakacava na butobuto loaloa ena gauna oya? (2) Me tekivu na veiyabaki ni 1100, na cava a vakavuna mera liaca na tamata ni sega ni vakatavulica tiko na ka dina o lotu?
(3) O cei o Henry Grew kei George Storrs? (4) Na cava eso na ituvaki a veisautaka sara ga na bula i Brother Russell? (5) Vakamacalataka na ivakarau ni nodra dau vulica na iVolatabu o Brother Russell, o tamana kei ira eso tale, na cava era qai dikeva rawa? (6) A yaco vakacava mera mai duavata na ilawalawa ni vuli iVolatabu qo kei na ilawalawa i Nelson Barbour, ia na cava e biubiu kina o Brother Russell? (7) Tukuna na ka e yaco ena Julai 1879 e veisau kina na kena vakatakilai na rarama vakayalo? (8) Na cava era cakava e levu na Gonevuli ni iVolatabu mera vakatetea kina na itukutuku vinaka? (9) Na cava era nanuma na Gonevuli ni iVolatabu ni na yaco ena 1914? (10) Na ituvaki dredre cava era sotava na Gonevuli ni iVolatabu ni sa takali o Brother Russell? (11) Na cava era cakava na Gonevuli ni iVolatabu ni sa suka mai valeniveivesu o Brother Rutherford kei na nona ilawalawa? (12) E uqeti iko vakacava na nomu sarava na vidio qo mo vakavinavinakataka kina na isoqosoqo i Jiova? (13) E uqeti iko vakacava na vidio qo mo gumatua tiko ga ni vunau veitalia ke o sotava na ituvaki dredre? (14) Eda na vakayagataka vakacava na vidio qo meda uqeti ira kina na wekada, ira na vuli iVolatabu kei na so tale?
Dua dina na iyau vakayalo vakasakiti era lolomataka tu mai na Gonevuli ni iVolatabu! Nira bula ena vuravura butobuto vakayalo qo, era daunivakacila rarama yaloqaqa qai gugumatua. Meda vakatotomuria mada ga na nodra ivakaraitaki nida “bula tiko me vaka na luve ni rarama.”—Efeso 5:8.