iVakadinadina i Jiova —Laurai Votu Nodra Vakabauta, Wase 2: Vakacila na Rarama

Ni ratou sa sere mai valeniveivesu o Brother Rutherford kei ratou na nona itokani ena 1919, sa waraki ira tu na Gonevuli iVolatabu e dua na cakacaka levu. Eda na raica ena vidio Jehovah’s Witnesses—Faith in Action, Part 2: Let the Light Shine, ni levu era vakacacani ira na Gonevuli iVolatabu, eda na raica tale ga na kena sa qai matata cake tiko ga na nodra kila na iVolatabu, kei na sala e vakavinakataki kina na nodra vakabauta. (Vkai. 4:18; Mala. 3:1-3; Joni 15:20) Ni o sarava oti na vidio, o rawa ni sauma na taro qo?

(1) Na iwalewale cava era vakayagataka na Gonevuli iVolatabu me vakatetei kina na itukutuku vinaka? (2) Na cava a kacivaki ena soqo ni tikina vakairogorogo a vakayacori ena 1931 kei na 1935? (3) Na itukutuku bibi cava a tabaki ena itabataba ni Watchtower ni 1 Noveba, 1939? (4) Vakamacalataka na ka a yaco e Madison Square Garden ni solia tiko na vunau “Government and Peace” o Brother Rutherford. (5) Na cava e duatani kina na nona vunau o Brother Knorr me baleta na “Peace—Can It Last?” (6) Na cava era lalawataka na iVakadinadina i Jiova ena 1942 mera vakalevutaka kina na nodra cakacaka vakavunau? (7) Vakamacalataka eso na kisi a valataki ena mataveilewai e Merika, Kenada, kei Kirisi. (8) Sala cava e tosoya kina na cakacaka vakaitalatala na Koronivuli e Kiliati? (9) Na cakacaka bibi cava a tekivu ena 1946, na cava na vuna? (10) Na sasaga cava era vakayacora na iVakadinadina i Jiova me rawa ni salavata kei na ivakatagedegede vakaivolatabu na nodra itovo? (11) Vakamacalataka na veiveisau a vakayacori ena veiyabaki ni 1970 me muria vinaka kina na isoqosoqo na ituvatuva ena iVolatabu. (12) E vukei iko vakacava na vidio qo mo kila ni o Jiova sara ga e dusimaka tiko na ka kece, qai nona isoqosoqo tale ga qo? (13) E uqeti iko vakacava na vidio qo mo vunau tiko ga vagumatua se mani vakacava na veivakacacani? (14) Eda na vakayagataka vakacava na vidio qo meda vukei ira kina na wekada, noda vuli iVolatabu kei na so tale?

Ni oti e dua na siga, e dua na ka vou e laurai ena kedra ivolatukutuku na iVakadinadina i Jiova. Na cava ena tukuna na ivolatukutuku qori me baleta na noda sasaga ena cakacaka vakaitalatala? Me vakataki ira ga na tacida ena veiyabaki sa sivi, meda gumatua mada ga ni ‘vakacila na rarama’!—2 Kor. 4:6.