Noda Web Site Vakadonui—Vakayagataka ena Nomu Vuli Vakataki Iko kei na Vuli Vakavuvale

Wilika na Mekesini Vou ena Internet: Ni se vo tu e vica na macawa me qai yaco ena ivavakoso Na Vale ni Vakatawa kei na Yadra! o sa rawa ni wilika ena Internet. Rogoca tale ga na katokatoni ni dua na mekesini.​—Rai ena “Ka e Tabaki/Mekesini.”

Wilika na Ulutaga e Laurai ga ena Web Site: Eso na ulutaga me vaka na “Ra iTabagone,” “Ka au Vulica ena iVolatabu,” “Veivosakitaki Vakavuvale” kei na “Ra Taroga na iTabagone” ena laurai ga ena noda Web site. Raica eso na ulutaga qori ena Internet qai vulica ena nomu vuli vakataki iko kei na vuli vakavuvale.​—Rai ena “iVakavuvuli Vakaivolatabu/Gone” se iVakavuvuli “Vakaivolatabu/iTabagone.”

Wilika na Nius Vou: Wilika na ripote kei na italanoa veiuqeti qai sarava na vidio leleka e vakaraitaka na toso ni noda cakacaka e veiyasa i vuravura. Na ripote me baleta na leqa tubukoso kei na veitusaqati ena uqeti keda meda cavuta sara ga ena noda masu na veika era sotava tu na tacida. (Jeme. 5:16)​—Rai ena “Nius.”

Vakadidike ena Laibri ena Internet: Ke o rawa ni raica na laibri ena internet, wilika ena kompiuta se mobail na tikinivolatabu ni veisiga se mo vakadidike kina ena so na noda ivola era se qai tabaki ga.​—Rai ena “Ka e Tabaki/Laibri ena Internet.” Se taipataka www.wol.jw.org ena vanua vakarautaki.

[iYaloyalo ena tabana 4]

(For fully formatted text, see publication)

Tovolea Mada

1 Gole ena iyaloyalo se na vanua e volai kina “Download.” O na raica na iyaloyalo qo ena PDF. Tabaka e dua na kena ilavelave qai vakayagataka qori me ka ni vuli nei luvemu.

2 Tabaka na “Play” mo sarava e dua na vidio.