Noda Web Site Vakadonui—Vakayagataka ena Nomu Cakacaka Vakaitalatala
Uqeti Ira Eso Tale Mera Vakayagataka na Web Site: Eso vei ira na sega ni dau via veitalanoa kei keda se ciqoma na noda ivola era na vinakata mera vakadikeva na veika me baleti keda na iVakadinadina i Jiova ena nodra rai ena jw.org ena nodra dui vale. Tukuna gona vei ira eso tale ena gauna veiganiti kece na veika me baleta na Web site.
Sauma na Taro: Eso na gauna ena taroga e dua na itaukeinivale, dua e tataleitaki se dua na noda veikilai na veika me baleti keda na iVakadinadina i Jiova se na ka eda vakabauta. Vakaraitaka vua na kena isau ena gauna ga oya ena nomu vakayagataka e dua na mobail se dua na kompiuta. Na tikinivolatabu era sega ni lavetaki e vinaka me wiliki sara ga mai na iVolatabu. Ke o sega ni rawa ni vakayagataka na Internet ena nomu mobail, vakamacalataka na sala e rawa ni vakayagataka kina e dua na jw.org me raica sara ga kina na kena isau.—Rai ena “iVakavuvuli Vakaivolatabu/Saumi na Taro Vakaivolatabu” se “Baleti Keimami/Dau Tarogi Vakalevu.”
Vakauta e Dua na Ulutaga se Dua na Ka e Tabaki Vua e Dua o Kila: Imelitaka na PDF se EPUB e sa download mai. Se katona ena dua na CD na katokatoni ni ivola sa download mai. Na gauna kece o solia kina vua e dua e sega ni papitaiso e dua na ivola se mekesini taucoko e download mai, o rawa ni ripotetaka qori. Me kua ni dau vakau umauma na veika e tabaki, mera kila tale tiko ga o ira na ciqoma ni o vakauta yani. Mo kua tale ga ni biuta ena dua tale na Web site ena Internet.—Rai ena “Ka e Tabaki.”
Vakaraitaka na Nius Vou me Baleti Keda na iVakadinadina i Jiova: Qori ena vukei ira na vuli iVolatabu kei na so tale o dau sikova mera kila e levu tale na ka me baleta na noda cakacaka e vuravura raraba kei na noda duavata vakamataveitacini. (Same 133:1)—Rai ena “Nius.”
[Kato ena tabana 5]
(For fully formatted text, see publication)
Tovolea Mada
1 Ena ruku ni “Ka e Tabaki” digia na kena o vinakata me download, qai digia na kena o via wilika se o rogoca.
2 Tabaka na bulukau na MP3 me laurai kina na ulutaga yadua. Tabaka na ulutaga o vinakata me download se ▸ o via rogoca.
3 Digia mai na lisi qo e dua tale na vosa o via download mai kina.