Ena Tekivu ena 1 Maji na Veisureti ni iVakananumi
1. Gauna cava eda na tekivu veisureti kina ena iVakananumi, na cava e balavu kina na gauna ni veisureti ena yabaki qo?
1 Na veisureti e dau caka e veiyabaki ina iVakananumi ena tekivu ena Vakaraubuka 1 Maji. Ena caka ena 26 Maji na iVakananumi, kena ibalebale ena yabaki qo ena balavu toka na gauna ni veisureti. Qo ena rawa nira sureti kina e levu, vakabibi ke levu na yalava ni ivavakoso.
2. Na ituvatuva cava ena vakarautaki ena nodra taura na dautukutuku na ivola ni veisureti kei na tarai ni yalava?
2 Tuvanaki Rawa: Era na lewa na qase na sala me tarai kina na yalava, wili kina na kena biu se sega na ivola ni veisureti ena vale lala. Ke se vo na ivola ni veisureti ni oti noda vunau e veivale ena yalava, e rawa nira veisoliyaki e matanalevu. Ena raica na ivakatawa ni cakacaka me veirauti na ivola ni veisureti sa vakaleweni oti. Me biu ena vata ni ivola se mekesini mera taura na dautukutuku, ia ena sega ni biu kece mai ena dua na gauna. E dodonu meda taura ga na levu ni ivola ni veisureti eda rawa ni solia ena dua na macawa.
3. Na cava meda nanuma tiko nida soli ivola ni veisureti?
3 Na Cava Meda Tukuna? E vinaka meda vosa ga vakalekaleka, meda rawa ni vosa vei ira e levu. E tiko ena tabana e 4 na vakatutu eda rawa ni veisautaka me ganita na noda yalava. Ia meda kua ni biubiu totolo ke tataleitaki o itaukeinivale se taroga eso na taro. Nida veisoliyaka tiko na ivola ni veisureti ena muanimacawa, meda solia tale ga na mekesini ke veiganiti. Eda na veisoliyaka ga na ivola ni veisureti ena ika2 ni Maji, eda na sega ni saga me tekivutaki na vuli iVolatabu.
4. Na cava meda gumatua kina ena soli ivola ni veisureti?
4 Eda nuitaka nira na mai tomani keda e levu ena iVakananumi. Ena vakamacalataki ena ivunau se o cei dina o Jisu. (1 Kor. 11:26) Ena tasereki kina na yaga ni nona mate ena vukuda. (Roma 6:23) Ena vakamacalataki tale ga na vuna e bibi kina meda dau vakananumi koya. (Joni 17:3) Meda gumatua mada ga ena noda soli ivola ni veisureti!