Tekivu ena ika22 ni Maji na Veisureti ni iVakananumi

Ena yabaki qo, ena tekivu na veisoliyaki ni ivola ni veisureti ni iVakananumi ena Vakarauwai, ika22 ni Maji. Eda sureti meda vakaitavi kece kina. Ena muanimacawa eda rawa ni solia tale ga na mekesini ke veiganiti. Ena imatai ni Vakarauwai ena Epereli, eda na veisoliyaka na ivola ni veisureti, ena sega ni caka na veisureti vakadodonu ina vuli iVolatabu. Ia ke dua e tataleitaki, e rawa nida saga me tauyavu na vuli iVolatabu. Me rawa nira tarai e levu ena yalava, me vakadeitaka sara ga na ivakatawa ni cakacaka ke veiganiti me veisoliyaki na ivola ni veisureti ena vunau tawalokuci. Mo vola rawa qo na yacadra o ira na weka, ira o cakacaka vata, vuli vata, nomu veisikovi lesu kei ira nomu veikilai o na via sureta ni sa tekivu na veisureti. Eda nuitaka ni levu era na duavata kei keda nida vakananuma na rua na ivakaraitaki levu ni loloma.​—Joni 3:16; 15:13.