Vakatutu

Me Tauyavu Kina na Vuli iVolatabu ena iMatai ni Vakarauwai ena Epereli

“Keimami uqeti ira tiko ena yasayasa qo mera wilika na iVolatabu. Ia era nanuma e levu ni dredre me kilai na iVolatabu. E dau va tale ga ya na nomu rai? [Waraka me sauma.] Raica mada na ka e tukuni e ke.” Vakaraitaka na iotioti ni tabana ena Vale ni Vakatawa 1 Epereli, veivosakitaka na imatai ni taro qai wilika e dua na tikinivolatabu e sega ni lavetaki. Solia na mekesini, tuvanaka sara mo lesuvi koya mo drau veivosakitaka na taro e tarava.

Na Vale ni Vakatawa 1 Epereli

“O ira kece eda sotava e tiko na nodra leqa. E vakavuna kina mera vaqaqa eso se cava na inaki ni bula. Na cava oni nanuma ni vakaleqa vakalevu duadua na kena vakilai na marau nikua? [Waraka me sauma.] E yalataka na iVolatabu ni na vakaotia na Kalou na leqa eda sotava tu nikua. [Wilika Vakatakila 21:4.] Ena veivosakitaki ena mekesini qo na ka ena yaco ena veigauna se bera mai, kei na ka meda cakava me vakainaki kina noda bula nikua.”

Yadra! Epereli

“E takalevu e vuravura na ivalavala kaukaua e vale. Eso era tukuna ni vakavuna na leqa qori na itovo vakavanua, nona isususu e dua, kei na ka ni veivakamarautaki e laurai kina na ivalavala kaukaua. Na cava o nanuma ni vakavuna vakalevu na ivalavala kaukaua e vale? [Waraka me sauma.] E vakaraitaka na iVolatabu na ka e dodonu me cakava na tagane kei na yalewa vakawati. [Wilika Efeso 5:33.] E vakaraitaka na mekesini qo na sala e sa vakavinakataka kina na nodra bula vakawati eso na nodra muria na ivakavuvuli vakaivolatabu.”