Vakatutu

Nida Veisureti ena iVakananumi

“Keimami via sureti kemuni ena dua na neimami soqo bibi. Ena ika14 ni Epereli era na vakananuma tiko kina e vica vata na milioni e veiyasa i vuravura na mate i Jisu Karisito. Ena rogoci tale ga kina e dua na ivunau vakaivolatabu me baleta na yaga ni nona mate. E tabaki toka ena ivola ni veisureti qo na vanua kei na gauna ena caka kina.”

Na Vale ni Vakatawa 1 Epereli

“Eda kila se mani lotu cava eda lewena, e dua na ka eda tautauvata kina, oya nida dau masu kece. O nanuma ni rogoca na Kalou na masu kece? [Waraka me sauma] Raica mada na ka e kaya na iVolatabu me baleta na masu. [Wilika 1 Joni 5:14.] E vakamacalataki ena mekesini qo na masu e rogoca na Kalou.”

Yadra! Epereli

“Keimami vukei ira tiko mai na itaukeinivale ena dua na leqa e sa yaco tiko vakalevu. Eso era via vakamatei ira nira lomaleqataka na ka era sotava tiko ena nodra bula. Ni rarawa vakalevu e dua, o nanuma ni vinakata sara ga me mate, se me vakacegui ga mai na nona rarawa? [Waraka me sauma.] Qo e dua na ka e yalataka na iVolatabu e sa vukea e levu me donu tiko ga nodra rai. [Wilika Vakatakila 21:3, 4.] E vakamacalataki ena mekesini qo e tolu na vuna vinaka e rawa kina vua e dua me kua ni tinia nona bula, dina ke sotava tiko na leqa.”