Vakatutu

Me Tauyavu Kina na Vuli iVolatabu ena iMatai ni Vakarauwai ena Maji

“Keimami veisiko tiko mai ena vuku ni dua na soqo ena vakayacori ena ika14 ni Epereli. Qori na kena vakananumi na mate i Jisu. Eso era na solevutaka na soqo qori nira vakabauta ni bibi na mate i Jisu. Eso tale e sega ni matata vei ira na bibi ni nona mate. O nanuma ni yaga vei kedaru na nona mate?” Waraka me sauma. Vakaraitaka vua na iotioti ni tabana ni Vale ni Vakatawa 1 Maji, veivosakitaka sara na imatai ni taro kei na dua na tikinivolatabu e sega ni lavetaki. Solia na mekesini, qai tuvanaka na siga mo lesuvi koya kina mo drau veivosakitaka na taro tarava.

Na Vale ni Vakatawa 1 Maji

“E levu era vaqaqa se cava e sega ni tinia kina na Kalou na veika tawadodonu kei na rarawa e vuravura. O nanuma ni sega ni kauaitaki keda na Kalou se nanuma na Kalou ni na vinaka ga vei keda meda vakararawataki? [Waraka me sauma. Oti qai wilika na Joni 3:16.] Levu era nanuma ni tikinivolatabu qo e vakaraitaka ni kauaitaki keda na Kalou, ia era sega ni kila se na yaga vakacava vei ira na nona mate na luve ni Kalou. E vakamacalataki ena mekesini qo ni nona mate o Jisu e dolava na sala me vakaoti kina na veika tawadodonu kei na rarawa e vuravura.”

Yadra! Maji

“Keimami veisiko tiko mai ena neimami vinakata me vakamatatataki na rai cala me baleta na bulibuli. Eda sega ni cegu ni rogoca na ivakavuvuli ni bula vakaidewadewa. Eso mada ga era vakabauta na Dauveibuli era sa lai vakabauta ni Kalou e vakayagataka na bula vakaidewadewa me bulia kina na vuravura. Na cava mada nomuni nanuma? [Waraka me sauma. Oti qai wilika na Roma 1:20.] E tiko ena mekesini qo na ivakamacala vakaivolatabu me baleta na sala e bulia kina na vuravura na Kalou.”