Vakatutu

Veisureti ina iVakananumi

“Keimami veisoliyaka tiko e dua na ivola ni veisureti ina dua na soqo bibi. Ena ika3 ni Epereli, e vica vata na milioni e veiyasa i vuravura era na soqo vata mai mera vakananuma na mate i Jisu Karisito, era na rogoca tale ga e dua na ivunau e sega ni saumi me baleta na yaga ni nona mate ena vukuda. E volai ena tikidua qo na gauna kei na vanua ena vakayacori kina na soqo ena noda yasayasa.”

Na Vale ni Vakatawa 1 Maji

“Ena vakananumi tiko ena ika3 ni Epereli na mate i Jisu Karisito. Eso ena noda itikotiko era na soqo vata ena siga qo mera vakananuma kina nona mate, ia eso tale era kaya ni sega ni bibi nona mate o Jisu. Na cava nomu rai ena tikina qo? O nanuma ni yaga vei keda na mate kei na vakaturi i Jisu? [Waraka me sauma.] Dikeva na ka e tukuna na Vosa ni Kalou ena tikina qo. [Wilika 1 Korinica 15:22, 26.] E vakamacalataki ena mekesini qo na yaga ni isoro ni veivoli i Jisu ena dua na gauna e se bera mai, oya ni na sega ni dua tale ena mate e vuravura.”

Yadra! Maji

“Keimami veisoliyaka tiko mai na ilavelave vou ni Yadra! [Vakaraitaka na ulutaga.] Cava nomuni nanuma: ‘E bula dina tiko na Kalou?’ E levu e duidui tu nodra rai me baleta na taro qori. O cei o nanuma ni vinaka na nodra rai me baleta na gauna e se bera mai—o ira na vakabauta na Kalou se o ira na sega ni vakabauti koya? [Waraka me sauma.] E veivakacegui na ka e yalataka na Kalou. [Wilika Same 37:10, 11.] E tukuni ena mekesini qo e va na yavu meda vaqaqa kina se bula dina tiko na Kalou se sega.”