Vakatutu

Me Tauyavu Kina na Vuli iVolatabu ena iMatai ni Vakarauwai ena June

“Keimami veivosakitaka tiko mai vakalekaleka na taro vakavure vakasama qo. [Vakaraitaka na imatai ni taro ena daku ni Vale ni Vakatawa 1 June.] Cava na nomuni rai?” Waraka me sauma. Drau raica vata na kena isau kei na dua na tikinivolatabu e lavetaki. Solia sara na Vale ni Vakatawa kei na Yadra, qai tuvanaka mo drau veivosakitaka na taro e tarava.

Na Vale ni Vakatawa 1 June

“Na vakatavako e vakamatea e rauta ni ono na milioni na lewe i vuravura e veiyabaki. Vakacava e rawa ni caka e dua na ka me vakalailaitaka? [Waraka me sauma.] Era sa vukei e levu mera biuta na vakatavako nira vulica na rai ni Kalou me baleta na ivakarau oya. Kena ivakaraitaki, na tikinivolatabu qo e uqeti ira eso mera vakasamataka na kena rawa ni vakaleqa na nodra bula eso tale na nodra dau vakatavako. [Wilika 1 Korinica 10:24.] E vakamacalataka na Vale ni vakatawa ni rawa nida biuta na ivakarau qori ke da vulica na rai ni Kalou me baleta na vakatavako.”

Yadra! June

“Na Internet sa vakarawarawataka me levu noda itokani ni vakatauvatani e liu. Cava mada nomu rai, na itovo bibi duadua cava me tiko vua na itokani dina? [Waraka me sauma.] Qo na ka e kaya na iVolatabu me laurai vua e dua na itokani. [Wilika Jemesa 1:19.] E vakamacalataka na Yadra qo e va na ivakavuvuli yaga e rawa ni vukei keda meda dua kina na itokani vinaka.”