Vakatutu

Me Tauyavu Kina na Vuli iVolatabu ena iMatai ni Vakarauwai ena Me

“Keimami veivosakitaka tiko mai e dua na taro vakavure vakasama. [Vakaraitaka sara na imatai ni taro e tiko ena daku ni Vale ni Vakatawa ni 1 ni Me.] Na cava mada nomuni isaunitaro eke?” Waraka me sauma. Veivosakitaka na kena isau kei na dua na tikinivolatabu e sega ni lavetaki. Solia na mekesini, qai tuvanaka na siga mo lesuvi koya kina mo drau veivosakitaka na taro tarava.

Na Vale ni Vakatawa 1 Me

“Keimami veisiko tiko mai baleta ni levu era kauaitaka na ka ena yaco ena veisiga ni mataka. Vakacava ni o vakasamataka na veisiga se bera mai, o dau nuidei se o lomaleqa? [Waraka me sauma. Oti qai wilika e dua na tikinivolatabu ena kato “Veika sa Vakatakila na Kalou me Baleta na Gauna se Bera Mai.”] Na mekesini qo ena vakamacalataka eso na ka e tukuna na Kalou ni na yaco kei na vuna meda nuidei kina nira na yaco dina.”

Yadra! Me

“Keimami veisiko tiko mai me keimami veivuke ena kena wali na lomaocaoca. Ni vakatauvatani kei na veigauna sa oti, vakacava o vakadinadinataka ni levu nikua era dau lomaocaoca? [Waraka me sauma.] Era raica e levu ni ivakasala e vakarautaka na iVolatabu e vukei ira mera walia na nodra lomaocaoca. Qo e dua na kena ivakaraitaki. [Wilika na Maciu 6:34.] Na mekesini qo e vakamacalataka na ivakavuvuli vakaivolatabu me wali kina e va na ituvaki e rawa ni vakavuna na lomaocaoca.”

Me nanumi: Na itabataba qo ena rawa ni yaga vakalevu vei ira na daunibisinisi.