Meda Maqosa Tiko ga ena Cakacaka Vakaitalatala—Veikauaitaki

Vuna e Bibi Kina: O Jisu e kauaitaki ira yadua na lewenivanua, e lomani ira tale ga. Kena ivakaraitaki, a rairai liaca o Jisu nona madua e dua na tagane didivara, mani kauti koya vakatikitiki qai vakabulai koya ni sega ni dua e rai tu. (Mari. 7:31-35) E kauaitaki ratou nona tisaipeli ni kila na kedratou ituvaki, e sega kina ni tukuna kece vei ratou na ka ena dua ga na gauna. (Joni 16:12) E dau veikauaitaki o Jisu ni tiko mada ga mai lomalagi. (2 Tim. 4:17) Nida imuri i Karisito, eda na via vakatotomuri koya. (1 Pita 2:21; 1 Joni 3:16, 18) Ena laulau gona noda cakacaka vakavunau nida kauaitaki itaukeinivale, da kila na kena ituvaki, ka e taleitaka, kei na ka e kauai kina. Ena rairai vakarorogo ke liaca ni sega ni noda inaki ga meda vakasavuitukutuku se soli ivola, ia eda kauaitaki koya tale ga.