Meda Maqosa Tiko ga ena Cakacaka Vakaitalatala—Vakaraitaka na Vuli iVolatabu ena iVola Kaya na iVolatabu
Vuna e Bibi Kina: Levu e sega ni matata vei ira na noda veisureti ena vuli iVolatabu sega ni saumi. Era rairai nanuma mera lewena e dua na ilawalawa ni vuli se mera vuli iVolatabu e caka ena veivolavolai. Meda kua ni veisureti ga ena vuli iVolatabu, ia meda vakaraitaka sara ga na kena iwalewale. Ena vica ga na miniti, o rawa ni vakaraitaka vei itaukeinivale ena matanikatuba na kena rawarawa kei na yaga ni vuli iVolatabu.
Tovolea ena Vula Qo:
Kerei Jiova me vakalougatataka na nomu sasaga mo tauyavutaka e dua na vuli iVolatabu.—Fpai. 2:13.
Saga mo vakaraitaka na iwalewale ni vuli iVolatabu ena ivola Kaya na iVolatabu, se vakaraitaka mada ga vakadua na vidio Na Cava e Dau Caka ena Vuli iVolatabu? ena cakacaka vakavunau.