O sa Vakavakarau Tiko ena iVakananumi?
E kila o Jisu ni sa iotioti ni yakavi me tiko kina kei ratou na nona itokani voleka ni bera ni vakamatei. Qo na ika13 ni Naisani ena yabaki 33 G.V. Ena marautaka vata kei ratou na iotioti ni Lakosivia, oti ena tauyavutaka e dua na ivakananumi vou, na iVakayakavi ni Turaga. Ena vinakati na vakavakarau ni qo e dua na soqo bibi. O koya gona, e talai Pita kei Joni me rau lai vakavakarau. (Luke 22:7-13) Me tekivu mai na gauna qori, e bibi mera vakavakarau na lotu vaKarisito era vinakata mera cakava na iVakananumi. (Luke 22:19) Na cava meda vakarautaka ena iVakananumi sa roro tiko mai ena ika3 ni Epereli?
Ka Meda Vakarautaka na Dautukutuku:
Tuvanaka mo vakaitavi ena veisureti ena iVakananumi.
Vola na yacadra na vuli iVolatabu, wekada, ira eda vuli vata, eda cakacaka vata, kei na noda veikilai, meda qai sureti ira.
Wilika qai vakananuma vakatitobu na tikinivolatabu ni iVakananumi.
Vakarautaki iko mo lai kidavaki ira na vulagi ena soqo ni iVakananumi.