Vunau ni Vakayagataki na Qiqi kei na Teveli

E laurai ni laulau sara na kena vakayagataki na qiqi se na teveli mera vagolei ina ka dina o ira na yalomalumalumu. (Joni 6:44) Era uqeti gona na qase ni ivavakoso mera tuvanaka na vunau e matanalevu ena yalava ni ivavakoso era tavali vakalevu kina na lewenivanua. Ni rawarawa na kena tosoi na qiqi se teveli, e sega ni bibi mera kerei na vakailesilesi. O cei e ganiti ira mera vakaitavi? O ira na dautukutuku era lewamatau, era veidokai, era maqosa na vosa. Qo eso na ka ena vukei keda meda kila na ka me caka kei na ka me kua ni caka me vuavuaivinaka kina noda cakacaka.