Vakayagataka Vinaka na iVola Kaya na iVolatabu

Na gonevuli e kila na ka e kaya na iVolatabu qai muria, ena vua, ena toso tale ga vakayalo. (Same 1:1-3) Eda rawa ni vukea nodra toso na gonevuli nida vakayagataka vinaka na ivukevuke yaga ena ivola Kaya na iVolatabu.

Taro ena Ruku ni Ulutaga: E tiko ena ruku ni ulutaga e vica na taro ena saumi ena wase yadua. O rawa ni taroga na taro vakavure vakasama me uqeti gonevuli ena nomudrau veivosaki tarava. Se kerei koya me sauma vakalekaleka na taro yadua. Ke cala nona ivakamacala, kua ni vakadodonutaki koya sara. Ena vukei iko nona ivakamacala mo kila na tikina bibi mo drau veivosakitaka se vakabibitaka.​—Vkai. 16:23; 18:13.

iKuri: Ke sa matata vei gonevuli na wase e veivosakitaki tiko, e vakabauta tale ga ni dina, uqeti koya me vakawilika na ulutaga ena ikuri. Ena vuli tarava, railesuva vakalekaleka na ka e wilika ena ikuri mo vakadeitaka ni sa matata vua. Ke da raica ni ganita meda veivosakitaka eso na tikina ena ikuri, e rawa nida cakava vakalalai qo ena gauna ni vuli. Meda vakarautaka rawa na kena taro, da qai veivosakitaka vakaparakaravu me vaka e dau caka ena vuli.

Kato ni Railesuvi: Na taro ena ruku ni ulutaga yadua, e tiko na kena isau ena kato ni railesuvi. Vakayagataka qo mo vakadeitaka kina ni sa matata tiko vei gonevuli na ka e vulica, sa rawa tale ga ni vakamacalataka na tikina bibi. Me wiliki na railesuvi kei na kena tikinivolatabu. Kerei gonevuli me vakayagataka na tikinivolatabu me vakamacalataka na vuna e dina kina na itukutuku ya.​—Caka. 17:2, 3.