Na Yaga ni JW Library

ENA VULI:

• Wilika na iVolatabu kei na tikinivolatabu ni veisiga

• Wilika na iVolaniyabaki, mekesini, kei na so tale na ivola. Vakayagataka na ivakatakilakila ni bookmark

• Vakavakarau ena soqoni, makataka na isaunitaro

• Sara vidio

ENA SOQONI:

• Raica na tikinivolatabu e cavuta o koya e vosa. Tabaka na ivakatakilakila ni history mo lesu ena dua na tikinivolatabu

• O na sega ni kauta e levu na ivola ena soqoni, o sa na vakayagataka ga na nomu talevoni se tablet mo raica kina na ka e vulici kei na sere me lagati. Sa tiko ena JW Library na sere vovou.

ENA CAKACAKA VAKAITALATALA:

• Vakaraitaka vua e tataleitaki e dua na ulutaga mai na JW Library, vukei koya me download ena nona talevoni se tablet na porokaramu qori kei na so tale na ivola

• Tabaka na ivakatakilakila ni vaqaqara (search) mo raica na tikinivolatabu. Ke o vaqara e dua na matavosa qai sega ena New World Translation vakavoutaki, veisautaka me Reference Bible qai vaqaqara tale

• Vakaraitaka e dua na vidio. Ke vakaluveni o itaukeinivale, o rawa ni vakaraitaka na vidio Mo iTokani i Jiova. Se o rawa ni vakaraitaka na vidio Vuna mo Vulica Kina na iVolatabu me uqeti koya e tataleitaki me vulica na iVolatabu. Ke dua e duatani nona vosa, vakaraitaka e dua na vidio ena nona vosa

• Vakaraitaka na tikinivolatabu ena dua tale na vosa ena vakadewa sa download oti. Gole ena tikinivolatabu, tabaka na tikina, tabaka sara na ivakatakilakila ni vakadewa ni iVolatabu (parallel rendering)