Tuberi Ira Mera Qaravi Jiova Tiko Ga

E laurai ni o ira na dautukutuku vou era vakavulici mera gumatua qai wasoma nodra vakaitavi ena cakacaka vakaitalatala, e dau vuavuaivinaka na nodra veiqaravi. (Vvb 22:6; Flp 3:16) Qo eso na vakatutu mo vukei ira kina na gonevuli me tekivu vinaka nodra cakacaka vakaitalatala:

• Ni se qai vakadonui ga me dautukutuku nomu gonevuli, tekivu tuberi koya sara. (km 8/15 1) Vakabibitaka vua me nona ituvatuva e veimacawa na cakacaka vakaitalatala. (Flp 1:10) Me veiuqeti na ka o kaya me baleta na yalava. (Flp 4:8) Uqeti koya me cakacaka kei na ivakatawa ni iwasewase lailai kei na so tale na dautukutuku me yaga vua na nodra kila.—Vvb 1:5; km 10/12 6 ¶3

  

• Ni sa papitaiso oti, mo vakayaloqaqataki koya, tuberi koya tiko ga ena cakacaka vakaitalatala, vakabibi ke se bera ni vakaotia na ivola “Loloma ni Kalou.”—km 12/13 7

  

• Vakayagataka ga na vakatutu rawarawa ni o cakacaka vata kei na dua na dautukutuku vou. Ni vosa oti ena dua na vale, vakacaucautaki koya. Vukei koya ena ka me vakavinakataka me maqosa kina ena vunau.—km 5/10 7