“E Dua ga Nodra Vosa e Vuravura Taucoko”

11:1-4, 6-9

E vakasesea o Jiova na nodra vosa na talaidredre mai Pepeli, era talabusese kina. Nikua e soqona tiko o Jiova e dua na isoqosoqo levu mai na veimatanitu kei na duivosavosa qai veisautaka na nodra vosa me “vosa savasava,” me rawa nira “masuta kece na [yacana], mera qaravi koya ena duavata.” (Sef 3:9; Vta 7:9) Na cava na “vosa savasava”? Qori na ka dina me baleti Jiova kei na nona inaki e tu ena iVolatabu.

Ni vulici e dua na vosa vou, ena sega ni wiligusutaki tu ga. E vinakati me vulici na ivakarau ni rai vou kei na tuvai ni vakasama ena vosa qori. E va tale ga qori nida vulica na vosa savasava ni ka dina, e bibi me veisautaki na ivakarau ni rai. (Rom 12:2) Ni vulici tiko ga na vosa savasava, ena uqeta na noda duavata na dauveiqaravi ni Kalou.—1Ko 1:10.