O Cei Meu Sureta?

Eda dau gumatua ni sureti ira e levu ena iVakananumi e veiyabaki. Levu vei ira qori eda sega ni veikilai. E bibi meda sureti ira tale ga eda veikilai. Ena rawarawa sara mera tiko ena iVakananumi o ira eda veikilai. (yb08-E 11 ¶3; 14 ¶1) O cei o rawa ni sureta?

• Ira na wekamu

• Ira oni cakacaka vata se vuli vata

• Ira oni tiko veitikivi

• O ira na veisikovi lesu, ira na vuli iVolatabu tiko kei ira sa cegu tu nodra vuli

O ira tale ga na qase ni ivavakoso era na sureti ira era sa sega tu ni dautukutuku. Vakacava ke sega ni tiko ena nomu yasayasa e dua drau veikilai? O rawa ni raica na iVakananumi e caka ena nona yasayasa kei na kena gauna ena iwasewase BALETI KEIMAMI ena jw.org. Tabaka na kena ibulukau e toka e cake, oti qai tabaka “iVakananumi.” Ni o vakavakarau ena iVakananumi ena yabaki qo, vakasamataki ira o na sureta.