Kua ni Vakatetea na iTukutuku Lasu

Nikua sa rawa ni vakau na itukutuku vei ira e milioni vakacaca ena ivola, retio, tivi kei na Internet. Eda sega ni via vakatetea na itukutuku lasu o keda na sokalou vua na “Kalou daudina,” ke da sega mada ga ni nakita. (Sm 31:5; Ly 23:1) E rawa ni veivakaleqai sara na itukutuku lasu e vakatetei. Ke o via kila na dina ni dua na itukutuku, mo taroga:

• ‘E nuitaki?’ De dua e sega ni kila na dina ni itukutuku kece o koya e talanoa tiko. Dau veisau tale ga na itukutuku e lai talanoataki, mo qarauna gona ke o sega ni vakadeitaka na dina ni dua na itukutuku. O ira na lesi mera veiqaravi ena ivavakoso e dau nuitaki na nodra itukutuku, mera qarauna gona mera kua ni vakatetea na itukutuku e sega ni vakadeitaki

• ‘E vakaucacataki kina e dua?’ Ke vakaucacataki kina e dua se so tale, meda kua ni vakatetea.—Vvb 18:8; Flp 4:8

• ‘E vakabauti?’ Qarauna ni o rogoca na itukutuku e veivakadrukai se vakavu kauai

SARAVA NA VIDIO QARAUNA NA KAKASE QAI SAUMA NA TARO:

• 

  Me vaka e tukuni ena Vosa Vakaibalebale 12:18, e rawa ni veivakaleqai vakacava na vosa?

• 

  Ena vukei keda vakacava na Filipai 2:4 meda yalomatuataka na ka eda tukuna me baleta eso tale?

• 

  Na cava mo cakava ke o rogoca ni sa vakalewai e dua?

• 

  Na cava mo taroga ni bera ni o talanoataka e dua?