Meda Maqosa Tiko Ga Ena Cakacaka Vakaitalatala​—Vunau ena iTaba se Misini ni Vosa e Katuba

VUNA E BIBI KINA: Na levu ni iyaya vovou sa tu nikua kei na tubu ni basulawa, sa vakayagataki kina vakalevu na itaba se misini ni vosa e katuba. Eda na rairai lomaleqa ni vunau vua e dua eda sega ni raica, ia e raici keda tiko mai. E vica na tikina qo ena vukei keda meda yalodei nida vunau ena itaba kei na misini ni vosa e katuba.

KA MO CAKAVA:

• Me donu nomu rai. Levu na itaukeinivale era dau taleitaka na veitalanoa kei keda ena itaba kei na misini ni vosa e katuba ni nodra vale

• Nanuma tiko ni so na itaba sa na tekivu katokatoni nida se bera mada ga ni tukituki se tabaka na lali ni nodra katuba na itaukeinivale, era sa na rairai saravi keda tale tu ga mai se vakarogoci keda nida se qai curuma yani nodra lomanibai

• Ni vosa mai o itaukeinivale, vosa yani ena itaba se misini ni vosa me vaka sara ga drau veiraimata tiko. Matadredredre, me matau tale ga nomu ivukivuki. Tukuna vua na ka sara ga o nanuma tiko mo kaya ke drau sota ena matanikatuba. Ke tiko na itaba, me kua ni volekata sara na matamu. Ke lala tu na vale, kua ni katona e dua na itukutuku ena misini ni vosa

• Ni oti nomudrau veivosaki, nanuma tiko ena rawa ni vakaraici iko tiko ga mai o itaukeinivale se vakarogoci iko