O Rawa ni Vakayagataka Nomu Gauna kei na iGu?

Me vaka e parofisaitaka o Aisea, eda sa vakadinadinataka sara tiko ga nikua na tubu ni isoqosoqo i Jiova e vuravura. (Ais 54:2) Ena vinakati gona me tara na Vale ni Soqoni vou, Vale ni Soqoni Lelevu kei na Peceli. Ni tara oti, ena vinakati me maroroi vinaka tu ga, eso me na vakavinakataki ni toso na gauna. Eda rawa gona ni vakayagataka noda gauna kei na igu vei Jiova meda veitokoni. Ena sala cava?

• Meda vakaitavi ni tuvanaki me sasamaki noda iwasewase lalai ena Vale ni Soqoni

• Rawa nida bole meda tiko ena vuli me baleta na vakavinakataki ni Vale ni Soqoni

• Rawa nida vakalewena na fomu Local Design/Construction Volunteer Application (DC-50) meda veivuke vagauna ena tarataravaki kei na vakavinakataki ni vanua ni sokalou ena dua na vanua voleka

• Rawa nida vakalewena na fomu Application for Volunteer Program (A-19) qai bole meda veivuke me dua na macawa se sivia ena noda yalava e Peceli se dua tale na valenivolavola ni tabana

SARAVA NA VIDIO TUVANAKI TIKO E DUA NA TARATARAVAKI—VIDIO LEKALEKA, QAI SAUMA NA TARO:

• Sala cava eda sa vakayagataka kina vakalevu na vidio me tekivu mai na 2014?

• Me rawa ni vakarautaki na vidio, na cava sa tuvanaki tu, ena vakacava na dede ni tarataravaki qori?

• E rawa nira veivuke vakacava na bolecakacaka?

• Ke da via veivuke ena tarataravaki e Ramapo, na cava meda vakalewena kina na fomu (DC-50) qai veivuke ena tarataravaki e voleka vei iko?

• Na ivakadinadina cava e dusia ni dusimaka tiko o Jiova na cakacaka qo?

• Meda veitokoni vakacava, ke da sega ni rawa ni veivuke ena tarataravaki?