Meda Maqosa Tiko Ga ena Cakacaka Vakaitalatala​—Vunau ena Talevoni

VUNA E BIBI KINA: Na vunau ena talevoni e dua na iwalewale bibi meda “vunautaka kina vakavinaka sara na itukutuku vinaka.” (Caka 20:24)a E rawa kina nida vunau vei ira eso tale ke sega ni rawa nida sota.

KA MO CAKAVA:

• 

  Vakavakarau. Digia e dua na ulutaga veiganiti. Vola na ka mo tukuna. De dua mo vakarautaka tale ga e dua na itukutuku lekaleka me vakamatatataka na inaki ni nomu qiri yani ke rogo mai na domo katoni (answering machine). E vinaka sara ke sa vakarautaki tu ena teveli na ka kece e gadrevi, ya na ka o sa vola tu mo tukuna kei na so tale na ka, vaka na iyaya vakalivaliva sa dola rawa tu kina na JW Library^® se jw.org^®

• 

  Mo Nuidei. Vosa vakamatau. Matadredredre me vaka ga drau veirai tiko. Kua ni cegu wasoma. Ena vinaka sara mo cakacaka vata kei na so na tacimu. Ke taro mai na itaukeinivale, tokaruataka vei nomu itokani me rawa ni veivuke ena kena saumi

• 

  Me dua na yavu ni veisikovi lesu. Ke dua e tataleitaki, o rawa ni taroga toka e dua na taro me qai saumi ena veisiko e tarava. O rawa tale ga ni tukuna mo vakauta yani e dua na nona ivola ena imeli, se mo kauta sara ga. Se mo imelitaka e dua na vidio se ulutaga. Ke veiganiti tukuna vua na porokaramu ni vuli iVolatabu ena Internet, na Online Bible Study Lessons se dua tale na ka mai na noda website