Vukei Ira na Vuli iVolatabu Mera Tiko ena Soqoni

E bibi ena sokalou dina na soqoni vaKarisito. (Same 22:22) Era dau marau kece o ira era soqoni mera sokaloutaki Jiova, era vakalougatataki tale ga. (Same 65:4) Era na toso totolo na vuli ni iVolatabu nira tiko wasoma ena soqoni.

O na vukei ira vakacava nomu gonevuli mera tiko ena soqoni? Sureti ira tiko ga. Vakaraitaka vei ira na vidio Na Cava e Caka ena Vale ni Soqoni? Vakamacalataka na yaga ni soqoni. (lff lesoni 10) O rawa ni tukuna vei ira na ka sara ga o vulica kina se na ka ena veivosakitaki ena soqoni tarava. Solia vei ira na ivola ena vakayagataki. Dau vukei ira tale ga, de dua mo dou vodo vata ina soqoni. Ena yaga dina nomu sasaga ni se qai lako vakadua ena soqoni o nomu gonevuli.—1Ko 14:24, 25.

SARAVA NA VIDIO VUKEI IRA NOMU VULI IVOLATABU MERA . . . TIKO ENA SOQONI, QAI SAUMA NA TARO QO:

• Na ituvaki cava e vakayagataka o Nita me sureti Senibua kina ina soqoni vaKarisito?

• Na cava eda marau kina ni tiko ena soqoni e dua na vuli iVolatabu?

• Na cava e raica o Senibua ni tiko ena imatai ni nona soqoni?