O Cei Nomu iTokani ena Internet?

E tukuni ni itokani oya na “nodrau veivolekati dina e rua ni rau veitaleitaki se veivakamareqeti.” Me kena ivakaraitaki, rau veitokani voleka o Jonacani kei Tevita ni oti nona vakamatei Koliaci o Tevita. (1Sa 18:1) Erau vakaraitaka tale ga na itovo e vakavuna nodrau veitaleitaki. O koya gona, na veitokani vinaka e yavutaki ena kilaka dodonu. Ena taura toka na gauna kei na sasaga meda kila e dua. Ia e totolo sara me kunei na itokani ena sala ni veikilai ena internet. E rawarawa vei ira na vakayagataka mera vola na ka era tukuna se vakaraitaka vei ira eso tale, e rawarawa gona kina mera vunitaka eso na ka. E vinaka gona mo vakasamataka vinaka o ira o vakadonuya mera nomu itokani. Kua ni leqataka ni o na vakararawataki ira ke o sega ni ciqoma nodra kere itokani eso o sega sara ga ni kila vinaka. Eso era raica ni leqataki na sala ni veikilai qo, era vakatulewataka kina mera kua ni vakayagataka. Ia ke o vakatulewataka mo vakayagataka, na cava mo nanuma tiko?

SARAVA NA VIDIO QAQARAUNI NI O VAKAILALA ENA INTERNET, OTI MO SAUMA NA TARO QO:

• Na cava mo nanuma tiko ni bera ni o vola e dua na ka se biuta na itaba?

• Na cava mo digia vinaka kina nomu itokani ena internet?

• Na cava mo yalana kina na gauna o vakayagataka ena sala ni veikilai ena internet?—Efe 5:15, 16