O Vakayagataka Vinaka Tiko na Katokatoni ni iVolatabu?

Na cava na katokatoni ni iVolatabu? Qo na katokatoni ni New World Translation vakavoutaki. E sevutaki vakalalai ena levu sara na vosa. Dua na yaga ni katokatoni ni iVolatabu qo, ya ni duidui na domo e vakayagataki. E vakarogotaki donu na vosa, e vakavotui tale ga na ivakarau ni yalo me donu kina na kena vakasavui na itukutuku ena iVolatabu.

Sa yaga tiko vakacava vei ira eso? Levu era dau rogoca na katokatoni qo era taleitaka ni vaka sara ga e yaco dina tiko. Era tukuna, ni levu na dauwiliwili e rawa nira raitayaloyalotaka vinaka na veika e yaco tiko qai matata na kena ibalebale. (Vvb 4:5) Levu tale ga era tukuna ni vakacegui ira na katokatoni qo ena gauna era nuiqawaqawa kina.—Sm 94:19.

Nida rogoca ni wiliki vakadomoilevu na Vosa ni Kalou ena yaga sara vei keda. (2Ve 34:19-21) Ke tiko vakatikina se taucoko na katokatoni ni iVolatabu ena vosa o kila, o rawa ni okata tale ga qori ena nomu ituvatuva vakayalo.

ME SARAVI NA VIDIO KATOKATONI NI IVOLATABU—VIDIO LEKALEKA, OTI QAI SAUMA QO:

Na cava o taleitaka ena kena vakarautaki na katokatoni ni iVolatabu?