Dei Tiko ga ena Nomu iTuvatuva ni Wili iVolatabu e Veisiga

Nida osooso vakalevu, vakacava e dau ka ni sasaga mo muria nomu ituvatuva ni wili iVolatabu e veisiga? (Josua 1:8) Ke dina qori, tovolea mada e dua na vakatutu qo:

• Porokaramutaka e veisiga. Porokaramutaka ena nomu iyaya vakalivaliva me tukuna vei iko nomu gauna ni wili iVolatabu.

• Biuta vakarawarawa nomu iVolatabu. Ke o dau wiliwili ena nomu ilavelave, biuta ena dua na vanua ena rawarawa ni o raica e veisiga.—Vkru. 11:18.

• Rogoca na kena katokatoni. Mo rogoca qori ni o cakava tiko nomu cakacaka e veisiga. E kaya e dua na tina o Tara, e painia qai dau yadra bogi: “Niu rogoca na katokatoni ni iVolatabu niu cakava tiko noqu cakacaka ni vale e veisiga, e dei kina noqu ituvatuva ni wili iVolatabu e veisiga.”

• Kua ni soro. Ke vakacala nomu ituvatuva e dua na leqa tawanamaki, wilika mada ga e vica na tikina ni bera ni o lai moce. Na vica na tikina qori ena yaga vakalevu.—1 Pita 2:2.