Saga Mo Vulica Eso na ka Vou

Nida vakarau vuli, eda na rairai taroga, ‘Na cava au via vulica?’ Me kua ni yalani na noda vuli ena ka ga eda via vulica, ni tiko eso tale na ka vou e vinakata o Jiova meda vulica. Sala cava eda na rogoca kina na ka e via vakavulica o Jiova?

Kerea na vuku. Kerei Jiova me vukei iko mo kila vinaka na ka e via vakavulica vei iko ena gauna qo. (Jeme. 1:5) Kua ni vakararavi tiko ga ena ka o sa kila tu.​—Vkai. 3:​5, 6.

Doka na kaukaua ni Vosa ni Kalou. “E bula na vosa ni Kalou.” (Iper. 4:12) Na gauna kece eda wilika kina na “vosa” bula ni Kalou, eda na vulica eso na ka vou, ena yaga tale ga vei keda ena levu na sala. Ia ena rawa ga qori ke da vinakata meda kila na ka e via vakavulica tiko vei keda na Kalou.

Vakayagataka na ka kece ena teveli i Jiova. Na kakana vakayalo e vakarautaka o Jiova e vaka “e dua na kanavata ena kakana uro.” (Aisea 25:6) Mo kania na “kakana” o na rairai sega ni taleitaka. Ena yaga vei iko, o na marautaka tale ga na ka e vakarautaka na Kalou!