Ka mo Cakava ni o tu Taudua

O galili qai tu taudua tu? Ke o vakila qori, o vakataki koya na daunisame ni kaya: “Au vaka na manumanuvuka e tu duadua ena delavuvu.” (Same 102:7) Na ivakasala vuku ena iVolatabu ena vukei iko mo valuta na leqa ni tu taudua.

• Saga mo toro voleka vua na Kalou

• Wilika eso na tikinivolatabu veivakacegui

• Saga mo kila na vuna e yaco tiko kina na ka ca

• Kua ni lomaocaoca vakasivia

• Vakavinakataka nomu veimaliwai

• Bulabula tiko ga vakayago

Saga mo toro voleka vua na Kalou

Ke o tu taudua mada ga, e se rawa tiko ga ni o marau ni o kauaitaka nomu bula vakayalo. (Maciu 5:3, 6) Qo eso na ivukevuke ena yaga vei iko, e sega ni saumi.

• E donu, qai rawarawa na kena wiliki na iVolatabu ena Internet

• Vidio leleka me baleta na ivakavuvuli vakaivolatabu

• “Saumi na Taro Vakaivolatabu”—Ena saumi kina na taro e dau tarogi wasoma

• “Vakatotomuria Nodra Vakabauta”—E tiko kina e vica na ulutaga me baleta na nodra ivakaraitaki ni yalodina na tagane kei na yalewa ena iVolatabu

• “Bula Vakaidewadewa se Buli?”—E vakarautaka e vica na ulutaga me baleta na totoka kei na vakasakiti ni veika buli

Wilika eso na tikinivolatabu veivakacegui

E vakacegui ira e levu na veitikinivolatabu qo. Kua ni wilika ena dua ga na gauna, ia saga mo vakayagataka vinaka na gauna o tu taudua kina mo wilika yadudua, vakasamataka vakatitobu qai masu.—Marika 1:35.

• Same 23:1-6

• Same 34:1-22

• Same 46:1-11

• Same 63:6-8

• Same 91:1-6

• Maciu 6:25-34

• 2 Korinica 1:3, 4

• Filipai 4:6, 7

• 1 Pita 5:6, 7

Saga mo kila na vuna e yaco tiko kina na ka ca

O na rawa ni vosota na ituvaki dredre ke o kila na vuna e yaco tiko kina na veika ca kei na sala ena vakaotia kina na Kalou.—Aisea 65:17.

• Na cava e vakatara tiko kina na Kalou na rarawa?

• Na rai ni iVolatabu me baleta na bula

• Na cava na ivakatakilakila ni iotioti ni veisiga se na “ivakataotioti”?

• E dusi cei na va na dauvodo ose ena Vakatakila?

• Na cava ena cakava na Matanitu ni Kalou?

Kua ni lomaocaoca vakasivia

Na vica na ulutaga qo ena vukei iko mo valuta na nuiqawaqawa ni o tu taudua, qai ‘kua ni lomaocaoca.’—Maciu 6:25.

• Sala mo walia kina na lomaocaoca

• Donu tiko ga nomu rai

• Lomaocaoca ni leqataki noda bula

• Lomaocaocataki ni ilavo

Vakavinakataka nomu veimaliwai

Na veitokani ena vukea na nomu ivakarau ni rai kei na lomamu, ia ena yaga sara vakalevu qori ni o tu taudua. Ke o tu ga e vale, ena rawa ni o qiri ena talevoni se vidio mo veimaliwai se kilai ira tale eso nomu itokani. E vica na ulutaga qo ena vukei iko mo dua na itokani dina” kei na sala mo kunei ira kina.—Vosa Vakaibalebale 17:17.

• O cei na itokani dina?

• Mo itokani vinaka ni o dausoli ka

• Mo itokani vinaka ni o dau vakavinavinaka

Bulabula tiko ga vakayago

E kaya na iVolatabu ni “yaga . . . na vakaukaua yago.” (1 Timoci 4:8) Ena rawa ni vukea na ivakarau ni nomu vakasama vakabibi ni o tu taudua. Ke o tu mada ga i vale, se tiko ga na ka o rawa ni cakava.

• Sala mo bulabula vinaka tiko ga kina

• Qarauna nomu bula, kua ni soro